餐飲 | 香港仔食鮮D Fish Delivery UK

香港仔食鮮D 9月時令海鮮????

香港仔食鮮d 平時幫街坊買貨之餘，仲會留意住行情睇下有咩時令抵食，近期試過幾款海鮮，啱食抵食，極力推介！今星期五(8/10)前落單，星期六就有靚魚、海鮮送到府上嘞大魷魚比起香港魷魚厚肉1倍以上，而且非常彈牙，炒西芹、西蘭花一流！ Rock Oyster 豐富海水鹹香，而且非常肥美。呢隻蠔非常易開，新手可試！虎蝦一隻差不多一兩重左右，大隻實肉，正！倫敦街坊．人人有魚食召集處 [...]

唔少街坊每逢到倫敦唐人街，必定深入後巷暗角到羅氏河粉廠朝聖。河粉廠每日新鮮出爐腸粉、河粉同包點，除左吸引人龍，一個唐人街餐館朋友仲爆料，呢度近9成嘅河粉皮同腸粉皮都係由羅氏河粉廠供應，既然可以雄霸唐人街，質素自然有保證。河粉廠最大賣點係每日新鮮即製，而且味道亦貼近香港人食開嘅口味，比起中超冰櫃裏面雪到硬冰冰嘅港式糕點直情贏足幾條街。推介蘿蔔糕，好易煎得香脆，食完唔會係咁飲水；芋頭糕食到粒粒芋頭；雞包仔鬆軟餡料足；馬拉糕軟綿綿，唔太甜。好嘢一齊食， #香港仔食鮮d 嘅自肥計劃即時加碼加入羅氏河粉廠美食，除左好價試食，仲可以同靚魚、海鮮一齊買，滿£30 即免運費！買滿£30 免運費倫敦街坊．人人食鮮啲召集處 [...]

香港仔食鮮D 10月推介：幸運紅衫魚

香港魚檔常見嘅紅衫魚喺英國唔係時時有，屬可遇不可求嘅魚。#香港仔食鮮d 雖然冇放上網店做恆常貨，但受託於熟客，每次買貨都會留意魚踪，見靚貨就自動加單。今日好彩遇見，當然即時落手揀眼仔碌碌兼魚鰓紅卜卜嘅上等靚貨，而且每條都係約1斤重嘅大size紅衫魚，大條有肉食，無論 #香煎紅衫魚、#番茄薯仔紅衫魚湯或 #紅衫魚番茄豆腐湯都一流。有冇街坊鍾意食紅衫魚，揮手交流下買滿£30 免運費倫敦街坊．人人有魚食召集處 – 送貨日期：16/10(六) 15/10 5pm [...]

香港仔食鮮D 10月湯水推介：牛鰍魚湯

【牛鰍魚湯 5 bowls , thanks！】以前喺香港一入秋，屋企都會煲牛鰍魚湯。牛鰍魚雖然其貌不揚，但營養豐富，煲出的湯水濃稠清甜，加入蓮子、芡實，有健脾、安神、潤燥之效，大人細路都啱飲，我當然每次都 5 bowls, thanks。嚟到英國魚市場重遇牛鰍魚，心中默默想起阿媽靚湯，買了斤半牛鰍魚，煲起湯來，把相片傳回香港，老人家看到，知道衣食還好，安心了。牛鰍魚時有缺貨，但實肉鮮甜，質素與香港魚檔的相若，牛鰍魚鱗硬，新手可考慮以電動打鱗器處理，另外，魚頭硬，取鰓要多費一點力氣，但這也是工多藝熟，並非難事，而只要嚐過牛鰍魚湯，也應該不介意這小小的功夫。另外，因沒有合適的淮山，所以寧缺不濫。以下分享我的滋補靚湯，歡迎互相交流。倫敦街坊．人人有魚食召集處 [...]